काठमाडौँ । चर्चित मोडल एंव निर्देशक हेरुका लामाद्धारा निर्देशित 'कस्तो हो यो मायाँ' बोलको गीत बजारमा आएको छ ।
क्यानाडामा रहेर पनि उनले आफ्नो करिअरलाई अगाडि बढाउने क्रममा म्युजिक भिडियो बजारमा ल्याएका हुन् । 'लामो समयपछि कर्मभूमिबाट म्युजिक भिडियो बजारमा ल्याएका छौं । विश्वास छ सम्पूर्ण दर्शकले मन पराउनुहुनेछ' निर्देशक लामाले भने ।
म्युजिक भिडियो क्यानाडाको विभिन्न रमणीय स्थानहरुमा छायांकन गरिएको छ । म्युजिक भिडियोलाई उनै निर्देशक लामाले पहिलोपटक छायांकन गरेका हुन् ।
गायक निशान भट्टराईको आवाज, लेखु सहयात्रीको संगीत, ईश्वर थापाको शब्द, पुरुषोतम सुवेदीको संगीत संयोजन रहेको छ ।
साजन शाहले मिक्सिङ, नरेश बिबिसीले रेकर्डिङ गरेको गीतलाई ए प्लस स्टुडियोमा रेकर्ड गरेको हो ।
म्युजिक भिडियोमा ईश्वर थापा र परीथा खड्काको अभिनय रहेको छ । गीतको म्युजिक भिडियोलाई उनै निर्देशक हेरुका लामाले ड्रोन, छायांकन र कोरियोग्राफी गरेका हुन । भिडियोलाई सम्पादन र कलर राजेश कुमारले गरेका छन् ।



