स्वादमा तितो करेला स्वास्थ्यका लागि भने निकै फाइदाजनक हुन्छ । करेलामात्रै नभई यसका बिउ पनि उत्तिकै फाइदाजनक मानिन्छ ।
कब्जियतको समस्यामा राहत पाउना लागि करेलाको बिउ आफ्नो भोजनमा समावेश गर्न सकिन्छ । यसले शरीरको मेटाबोलिजम बढाउन पनि उत्तिकै मद्दत गर्दछ ।
मधुमेहका बिरामीका लागि पनि करेलाको बिउ फाइदाजनक हुन्छ । करेला लोग्लाइसेमिक इन्डेक्स भएको फुड हो । यसको बिउले रगतमा चिनीको मात्रा नियन्त्रित राख्न मद्दत गर्दछ ।
करेलाको बिउ भोजनमा समावेश गर्न सकेको खण्डमा खराब कोलेस्ट्रोल नियन्त्रण गर्न र गुड कोलेस्ट्रोल बढाउन मद्दत मिल्छ ।
यसको सेवनले शरीरको प्रतिरक्षा बढाउन मद्दत मिल्छ र मौसमी रोगहरुबाट बच्न सकिन्छ । करेलाका बिउमा फाइबर, भिटामिन सी, आइरन, म्याग्नेसियम तथा पोटासियमजस्ता शरीरलाई आवश्यक पर्ने तत्वहरु हुन्छन् ।
बढेको तौल घटाउन र नियन्त्रणमा राख्न पनि करेलाको बिउले मद्दत गर्दछ । यसमा फाइबर प्रशस्त हुने गर्दछ र यसले विषाक्त पदार्थ शरीरबाट बाहिर निकाल्न मद्दत गर्दछ । (साँघु साप्ताहिक, २०८१ साउन २८)
