काठमाडाैं । Cash App नामक Online Application प्रयोग गरी अबैध रुपमा आर्थिक कारोबार भईरहेको छ भन्ने गोप्य सूचनाको आधारमा प्रारम्भिक अनुसन्धान गर्दै जाँदा जिल्ला मोरङ बिराटनगर घर बताउने हाल अमेरिका बस्ने मनिष कुमार बुढाथोकीले पक्राउ परेका छन् ।
निजले गौरभ भट्टराई, सुजन दाहाल, सिद्धार्थ नेपाली, आशुतोष कोईराला, मिलन मिश्रलाई Cash App Server को Access दिई ६ ओटा ईसेवा वालेट, ५ ओटा Connect IPS Account र सोहि Account हरुमा Linkup भएका १९ ओटा विभिन्न बैंकका खाताहरु समेतमा अबैध तरिकाले Cash App मार्फत ५ करोड बराबरको आर्थिक कारोबार गरेको अनुसन्धानबाट खुल्न आए पश्चात उक्त कार्यमा संलग्न ब्यक्तिहरुलाई काठमाण्डौं उपत्यका अपराध अनुसन्धान कार्यालय
टेकु, काठमाण्डौंले पक्राउ गरेकाे छ ।
साे प्रहरी कार्यालयबाट खटिएको प्रहरी टोलीले काठमाण्डौं उपत्यकाको विभिन्न स्थानबाट विभिन्न IPhone ब्राण्डका मोबाईल थान-५, विभिन्न कम्पनीका ल्यापटप थान-३ समेत ५ जनाको साथबाट बरामद एवं पक्राउ गरेकाे हाे ।
निजहरुलाई मुलुकी अपराध संहिता, २०७४ को परिच्छेद- ५ अन्तर्गत दफा १२५ (जुवा खेल्न वा सट्टाबाजी गर्न नहुने) कसुरमा र सोही संहिताको दफा २६२ (क) १ अभौतिक मुद्रा प्रयोग गर्न नहुने कसुरमा आवश्यक अनुसन्धान एवं कारवाहीको लागि जिल्ला प्रहरी परिसर भद्रकाली, काठमाण्डौं पठाइएकाे काठमाण्डौं उपत्यका अपराध अनुसन्धान कार्यालयले जानकारी दिएकाे छ ।
