पर्सा, ३० असोज (रासस) : वीरगञ्जको सीमा क्षेत्रबाट रु ४५ हजारभन्दा बढी मूल्यको गाँजासहित प्रहरीले असोज ३० गते एक भारतीय नागरिकलाई पक्राउ गरेको छ ।
इनरुवास्थित शङ्कराचार्यद्वारबाट नियमित चाँजको क्रममा उक्त गाँजासहित भारत विहार मुज्जफरपुर निवासी सोनुकुमार महतोलाई पक्राउ गरेको हो ।
मकवानपुरबाट खरिद गरिएको ६ केजी ५०० ग्राम गाँजा भारततर्फ लैजाने क्रममा सोनुलाई पक्राउ गरिएको प्रहरी उपरीक्षक रेवती ढकालले जानकारी दिएका हुन् ।
–––
