काठमाडौँ, १४ फागुन । राष्ट्रपति रामचन्द्र पौडेलले वरिष्ठ गायक तथा सङ्गीतकार भक्तराज आचार्यको निधनप्रति दुःख व्यक्त गर्नुभएको छ ।
राष्ट्रपति पौडेलले भजन शिरोमणिको उपाधिबाट समेत प्रसिद्ध आचार्यको निधनको खबरले आफू स्तब्ध भएको सामाजिक सञ्जालमा उल्लेख गर्नुभएको छ । दुःखको यस घडीमा स्वर्गीय आचार्यप्रति हार्दिक श्रद्धाञ्जली प्रकट गर्दै उहाँले शोकाकुल परिवारजनमा गहिरो समवेदना व्यक्त गर्नुभएको छ ।
गायक तथा सङ्गीतकार आचार्यको आज अपराह्न ८२ वर्षको उमेरमा निधन भएको थियो ।
–––
