काठमाडौं । १५ बुँदे माग अघि सार्दै सोभाराज थापा नेतृत्वको राष्ट्रिय जनसंघर्ष मोर्चा नेपाल संघर्षका कार्यक्रम थाल्ने चेतावनी दिएको छ ।
संवैधानिक राजतन्त्र, संघीयता खारेजी, धार्मिक सापेक्ष राष्ट्र, स्वतन्त्र परराष्ट्र नीति, असमान सन्धि सम्झौता खारेजी, सुलभ शिक्षा, रोजगारीको ग्यारेन्टी लगायतका माग अघि सारेको हो ।
काठमाडौंमा बिहीबार पत्रकार सम्मेलन गर्दै मोर्चाले मुलुक भ्रष्ट प्रणालीतर्फ अघि बढिरहेकाले परिवर्तनका लागि प्रजातन्त्रवादी र राष्ट्रवादी शक्ति एक भएर संघर्षमा जानुपर्ने जनाएको छ ।
पत्रकार सम्मेलनमा अध्यक्ष थापा, हरिबोल भट्टराई, एसके तिमिल्सिना, श्याम थापा, उषादेवी तामाङ, जेएन घिमिरे, ईश्वरीप्रसाद भट्टराईलगायतले आफ्नो धारणा राखेका थिए ।
