बेलायतकी एकजना नवयुवतीले विवाहलाई यादगार बनाउनका लागि विवाहको दिन आफ्नो श्रीमान र सबै पाहुनाहरुको आँखामा पट्टी बाँधेर आफ्नो वैवाहिक कार्यक्रम सम्पन्न गरेकी छिन् । इंग्ल्याण्डको बर्मिङ्घमकी लुसी एडवार्डसले ओलीई केभसँग लण्डनमा विवाह गरेकी थिइन् । विवाहमा उपस्थित पाहुनाले आफ्नो आँखामा पट्टी लगाएका थिए ।
वास्तवमा लुसी एक दृष्टिविहीन युवती हुन् । यो ठूलो अवसरमा सबै पाहुना र आफ्नो श्रीमान्लाई समेत यो अवसर उनका लागि कस्तो हो भन्ने महसुस गराउनका लागि उनले यस्तो उपाय अपनाएकी थिइन् । उनले यसको भिडियोसमेत सार्वजनिक गरेकी छिन् । जसले सामाजिक सञ्जालमा निकै चर्चा कमाएको छ । उनको यो भिडियो ३० लाख पटकभन्दा बढी हेरिएको छ । (एजेन्सी)
