काठमाडौँ । नेकपा एमालेका उपाध्यक्ष तथा पूर्व अर्थमन्त्री विष्णु पौडेललाई प्रहरीले सुर्खेतबाट पक्राउ गरी नेपालगञ्ज लगिएको दाबी गरिएको छ। समाचार स्रोतका अनुसार उनलाई नेपालगञ्जस्थित प्रहरी तालिम केन्द्रमा राखिएको र मिति २०८३ असार ९ गते मंगलबार काठमाडौँ ल्याउने तयारी गरिएको बताइएको छ।
यस अघि पक्राउ परेका व्यवसायी दीपक भट्टसँग सम्बन्धित बयान र कागजातका आधारमा पूर्व अर्थमन्त्री पौडेलमाथि अनुसन्धान भइरहेको स्रोतको दाबी छ। भट्टबाट विष्णु पौडेलसहित धेरै शीर्ष राजनीतिज्ञहरूसँग शंकास्पद कारोबार पुष्टि हुने कागजातहरू बरामद भएको विभागका एक अधिकारीले बताएका छन् ।
यसैबीच, पौडेलका पूर्व स्वकीय सचिव एम. पाण्डे सम्पर्कविहीन रहेको बताइएको छ। यसैगरी पूर्व अर्थमन्त्री रहेका जनार्दन शर्मा पनि पक्राउ पर्न सक्ने अनुमान गरिएको छ । पक्राउ परेका व्यवसायी भट्टसँग शर्माको पनि शंकास्पद कारोबार रहेको कागजात भेटिएको बताइएको छ ।
सम्बन्धित निकाय तथा व्यक्तिहरूको आधिकारिक प्रतिक्रिया प्राप्त हुन बाँकी छ।
