काठमाडौं । सरकारले आगामी आर्थिक वर्षको बजेटमार्फत काठमाडौंको स्यूचाटारमा देशकै पहिलो सार्वभौम एआई कम्प्युट सेन्टर स्थापना गर्ने घोषणा गरेको छ ।
अर्थमन्त्री डा. स्वर्णिम वाग्लेले बजेट वक्तव्य प्रस्तुत गर्दै एआई प्रविधि विकास र स्टार्टअप प्रवर्द्धनका लागि यस्तो योजना अघि सारिएको बताए ।
उनका अनुसार सरकारले हजारौं एआई प्रोसेसिङ युनिट खरिद गरी एआई उद्यमी, नवप्रवर्तनकर्ता र स्टार्टअपहरूलाई सहुलियतपूर्ण कम्प्युट क्षमता उपलब्ध गराउनेछ ।
अर्थमन्त्री वाग्लेले भने, “काठमाडौंको स्यूचाटारमा देशकै पहिलो सार्वभौम एआई कम्प्युट सेन्टर स्थापना गर्नेछौं ।”
सरकारको यो घोषणाले नेपालमा कृत्रिम बुद्धिमत्ता प्रविधिको पूर्वाधार विकास, डिजिटल उद्यमशीलता र नवप्रवर्तनलाई गति दिने अपेक्षा गरिएको छ ।
