एउटा परिवार गणेश भगवानको ठूलो भक्त थियो । बुढाबुढीले वर्षौंदेखि हरेक मंगलबार आफ्ना इष्टदेव गणेशको ब्रत राख्थे र गणेश चतुर्थीमा विशेष पूजा लगाउँथे । उनीहरूको अटल भक्ति र आस्था देखेर एकदिन ऋद्धिसिद्धिका मालिक भुँडे गणेश साक्षात् दर्शन दिई उनीहरूको समृद्धिको कामना पूरा गर्न प्रकट भए ।
गणेशले आफ्नो चोर आंैलोले देखाएका मात्र के थिए उनीहरूको थालीसहितको पूजा सामाग्री सुनको बन्यो । तर, उनीहरू कत्ति पनि खुसी देखिएनन् । उनीहरूको मनोभाव बुझेर गणेशले फेरि आफ्नो चोर औंलोले नजिकैको गाग्रीलाई सुनको गाग्रीमा बदलिदिए । अझै पनि बुढाबुढी प्रसन्न देखिएनन् । अब गणेशजी आफै अचम्म परेर सोधे ‘‘मैले तिमीहरूलाई त्यत्रो सम्पत्ति दिई सकें अझै किन खुसी छैनौ ? आखिर के हो तिमीहरूको मनोकामना ?’’
बुढाबुढीले एकछिन कानेखुसी गरे र एकै श्वरमा भने ‘‘हे म’ल मूर्ति, हे बिघ्नहर्ता ! यो सुनले कति नै पुग्ला र ? हजुर हाम्रो भक्ति देखि प्रसन्न हुनुहुन्छ भने हजुरको त्यो सुन बनाउने आंैलो नै हामीलाई बक्स होस् ।’’
