काठमाडाैं । गरिमा विकास बैंकले उत्तरी म्याग्दीको अन्नपूर्ण गाउँपालिका ०२, भुरुङ तातोपानीमा मुस्ताङ्ग आउने जाने पर्यटकहरुलाई लक्षित गरि एटीएम सेवाको सुचारु गरेको छ ।
एक कार्यक्रमका बिच साे विकास बैंकका संचालक दीपेन्द्र श्रेष्ठ र उक्त गाउँपालिका अध्यक्ष भरतकुमार पुनले संयुक्त रुपमा एटीएम सेवाको उद्घाटन गरेका थिए । साे अवसरमा गरिमा विकास बैंकका प्रमुख कार्यकारी अधिकृत गाेविन्द ढकालकाे समेत उपस्थिति रहेकाे थियाे ।
म्याग्दीकै पर्यटकीयस्थल भुरुङ तातोपानी भएर मुस्ताङ आउने जाने पर्यटकहरुलाई गरिमा विकास बैैंकको एटीएम काउन्टरले आर्थिक कारोबार गर्न सहज हुने अपेक्षा बैंकले गरेकाे छ ।
यस विकास बैंकले नेपालभर १२१ शाखा कार्यालय, ५० एटिएम साथै डिजि बटुवा, डेविट÷क्रेडिट कार्ड लगायतका डिजिटल बैंकिङ मार्फत सरल, सुरक्षित एवं गुणस्तरीय सेवा प्रदान गर्दै आईरहेको बताएकाे छ ।
