काठमाडौं, ४ वैशाख । वैशाख शुक्ल पूर्णिमा अर्थात वैशाख ७ गते बिहीबार सूर्यग्रहण लाग्ने भएको छ । यो दिन लाग्ने सूर्य ग्रहण नेपालबाट नदेखिने नेपाल पञ्चाङ्ग निर्णायक समितिका अध्यक्ष श्रीकृष्ण अधिकारीले बताए ।
नेपालबाट नदेखिने भएका कारण सूर्य ग्रहणको नेपालमा कुनै दोष नपर्ने उनको भनाइ छ । यसबाट कुनै राशिका व्यक्तिलाई अशुभ वा शुभको फल प्राप्त नहुने उनले बताए ।
यस दिन दोष नपर्ने भएका कारण सूर्यग्रहण बार्नु पनि नपर्ने अधिकारीको भनाइ छ । आगामी कार्तिक ११ गते पूर्णिमाका दिन लाग्ने चन्द्रग्रहण भने नेपालबाट देखिने उनले जानकारी दिए ।
वैशाख ७ गते लाग्ने ग्रहण चीन, मङ्गोलियालगायत देशबाट सूर्यग्रहण देखिने छ ।
