विराटनगर, २० जेठ (रासस) : नेपाल प्रेस युनियन मोरङका कोषाध्यक्ष दिनेश गिरीमाथि आक्रमण भएको छ ।
गिरीमाथि जेठ १९ गते शनिबार साँझको समयमा घरमै बसेको अवस्थामा चार/पाँच जनाको समूहले आक्रमण गरेपछि उनको टाउकामा गम्भीर चोट लागेको छ ।
यसैबीच, नेपाल प्रेस युनियन मोरङका अध्यक्ष मीनकुमार नवोदितले जेठ २० गते प्रेस विज्ञप्ति जारी गर्दै सो घटनामा संलग्न दोषीको पक्राउ गरी अविलम्ब कारबाहीको माग गरेका छन् ।
–––
