दार्शनिक एन्टीफ्रो एकपटक केही दिनका लागि सुकरात (दार्शनिक) सँग बसे । उनले देखे कि सुकरातको जीवन अत्यन्त कष्टकर छ । न उनलाई राम्रो खाना प्राप्त हुन्छ, न त लाउनाका लागि राम्रो कपडा । एन्टीफ्रो सुकरातको यस्तो अवस्था देखेर अत्यन्त दुःखी हुनपगे । उनले सुकरातलाई भने– तपाईं यत्रो ठूलो विद्वान् भएर पनि किन अभावको जीवन बिताउँदै हुनुहुन्छ ।
यदि तपाईं अनुमति दिनुहुन्छ भने म आप्mना केही धनी मित्रलाई भनेर केही सुख–सुविधाको व्यवस्था गरिदिन्छु । सुकरातले मुस्कुराउँदै भने– म आफ्नो प्रवचनमा आत्मिक उन्नतिका लागि बल दिन्छु । मलाई भौतिक सुखसुविधा प्राप्त छैन त के भो ? यदि म भव्य बंगला, चटपटे भोजन तथा भोगविलासलगायत अन्य साधनहरूको उपयोगप्रेमी बनेको भए त यस्तो अनौठो आत्मिक आनन्दबाट वञ्चित रहने थिएँ ।
