काठमाडौं : हास्य कलाकार महादेव त्रिपाठीको छोरा सनम राजको श्रीमती केही समय अघि मोटरसाइकल दुर्घटनामा परि उपचारको क्रममा रहेकी छिन । ठुलो दुर्घटनामा परेकी उनलाई उपचार गर्न धेरै रकम समेत आवश्यकता परेको र पीडित परिवार अतिनै आर्थिक दयनीय अवस्थामा रहेको छ ।
हास्य कलाकार महादेव त्रिपाठीले आर्थिक कठिनाई भोगिरहेको हुँदा नेपाल फिल्म सोसाइटी अमेरिका र ग्लोबल फिल्म अवार्ड अमेरिकाले अध्यक्ष नवराज श्रेष्ठको संयोजकत्वमा गो फन्ड संचालन गरि नेपाली रुपैयाँ जम्मा पाँच लाख पाँच हजार(५०,५०००/-) संकलन गरि कलाकार महादेव त्रिपाठीलाइ हस्तान्तरण गरिएको छ।
नेपाल फिल्म सोसाईटीका केन्द्रीय अध्यक्ष तथा वरिष्ठ अभिनेता कृष्ण मल्ल, वरिष्ठ निर्देशक उज्ज्वल घिमिरे, नेपाल फिल्म सोसाईटीका महासचिव राजेश बिशुराल र नेपाल फिल्म सोसाईटीका सदस्य दुर्गा बिसुरालले फिल्म सोसाइटीको कार्यालयमा एक कार्यक्रमको आयोजना गरि हास्य कलाकार महादेव त्रिपाठीलाई उक्त रकम हस्तान्तरण गरिएको हो ।
उक्त गो फण्ड अभियानमा सुनिल पाठक अल स्टेट इन्स्योरेन्स कम्पनी, डिक्की शेर्पा, शेर्पा हाउस गोल्डेन र कृष्ण सुनारले सबै भन्दा बढी रकम सहयोग गरेका थिए भने सम्पूर्ण अन्य सहयोगी दाताहरुसहित सम्पूर्णलाई समेत नेपाल फिल्म सोसाइटी अमेरिका र ग्लोबल फिल्म अवार्ड अमेरिकाका अध्यक्ष नवराज श्रेष्ठले धन्यवाद प्रकट गरेका छन्।
नेपाल फिल्म सोसाइटी अमेरिका र ग्लोबल फिल्म अवार्ड अमेरिकाले भूकम्प, कोभिड, बाढी पीडितदेखि कलाकार, अनाथ दुखीलाई सदैब सेवा सहयोग गर्दै आएको बताएकाे छ।
