काबुल, १७ वैशाख अफगानिस्तानको राजधानी काबुलको मध्य भागमा पर्ने एक नगरमा सोमबार बिहान भएको बम विस्फोटमा परी ज्यान जानेको संख्या कम्तीमा २५ पुगेको छ ।
मध्य काबुलको सो जिल्लामा भएको आत्मघाती बम हमलामा परी कम्तीमा ४५ जना नराम्ररी घाइते भएका छन् । सो विस्फोटमा आत्मघाती पनि दुई जना मारिएका छन् ।
मारिनेमा पाँच जना पत्रकार रहेको बताइएको छ । मारिनेमा बीबीसीका संवाददाता अहमद शाहासंगै एएफपीका फोटो पत्रकार पनि परेका छन् ।
मारिनेमा के कतिजना सर्वसाधारण र कतिजना अफगानिस्तानको अर्धसैन्य बलका सदस्य कति परे भन्ने बारेमा भने केही जानकारी गराइएको छैन ।
