काठमाडौं, बैशाख ४ । टोखा नगरपालिका-७, धापासी बस्दैआएकी गोरखाकी पूर्णिमा बिकको हत्या गरेको अभियोगमा पर्साका विजय तामाङलाई महानगरीय प्रहरी वृत्त, महाराजगञ्जको प्रहरी टोलीले पक्डेको छ।
पूर्णिमा बिक (३२) र विजय तामाङ (३०) मिस्त्री काम गर्थे। शिपालु मिस्त्री भएकाले कमाई राम्रो थियो। ७ महिनादेखि उनीहरु धापासीको एउटा कोठामा सँगै बस्दैआएका थिए।
“आइतबार साँझ पनि कामबाट सँगै फर्केका थियौं। भट्टीमा बसेर रक्सी पियौं। कोठामा जानेबेलामा पूर्णिमाले, “म तँसँग सँगै सुत्दिन, त्यसैले कोठामै जान्न” भनेर जिद्दी गर्नथालि। एकोहोरो जिद्दी गरिरहेपछि रिस उठ्यो र ढुङ्गाले टाउकोमा हानिदिएँ। त्यस्लाई ढालेर कोठामा गएँ, भात पकाएर खाएँ र मस्तले सुतें”, विजयले बयानमा भनेका छन्।
