काठमाडौं, १८ माघ : नेपाल नागरिक उड्डयन प्राधिकरणको महानिर्देशकमा विवादस्पद पात्र प्रदीप अधिकारी नियुक्त भएका छन् ।
प्राधिकरणमा १२ औं तहका सिनियर अधिकृतहरुमा भोलाप्रसाद गुरागाईं, प्रतापबाबु तिवारी, हंसराज पाण्डे, देवचन्द्रलाल कर्ण रहेका थिए । उनीहरुलाई पन्छाएर मन्त्रालयले एकाएका जुनियर अधिकृत प्रदीप अधिकारीलाई नियुक्ति गरेकाे छ ।
अनियमितताको आरोप र अख्तियारसहितका नियामक निकायमा उजुरी परेका प्राधिकरणका निर्देशक (११ औं तह) प्रदीप अधिकारी संस्कृति, पर्यटन तथा नागरिक उड्डयन मन्त्री प्रेमबहादुर आले, सचिव महेश्वर न्यौपाने लगायतलाई रिझाएर महानिर्देशक बन्न सफल भएका हुन् ।
मन्त्री आले र सचिव न्यौपाने बाहेक नेकपाका कुन कुन नेतालाई रिझाएर डीजी बन्न सफल भए भन्ने कुरा चाहिं खाेजीकाे विषय भएकाे छ ।
२०७८ माघ १७ गते सोमबारको मन्त्रिपरिषद् बैठकले अधिकारीलाई प्राधिकरणको महानिर्देशकमा नियुक्त गरेको हो ।
उनी यसअघि प्राधिकरणको राष्ट्रिय गौरव आयोजनाका निर्देशक रहँदा अनियमितताकाे आराेप खेप्दै आएका पात्र हुन् ।
