काठमाडाैं । संयुक्त राष्ट्रसंघको आव्हानमा शान्ति स्थापनार्थ विगतदेखि नै नेपाली सेना विभिन्न UN Mission हरुमा सहभागी भई द्वन्द्वग्रस्त मुलुकहरुमा शान्ति स्थापना कार्यमा महत्वपूर्ण योगदान पुर्याउदै आईरहेको छ ।
सोही क्रममा २०७८ कार्तिक २३ गते UNITED NATIONS MISSION IN SOUTH SUDAN (UNMISS) मा तैनाथ गोरख बहादुर गण (शा.से.) सातौं डफ्फालाई बदली गर्नको लागि चन्दननाथ गण (शा.से.) आठौं डफ्फाको पहिलो फ्लाईटमा प्रमुख सेनानी सरोज राणाको नेतृत्वमा २१६ जना नेपाली शान्ति सैनिक UN Chartered Flight मार्फत काठमाण्डौंबाट २०७८ कात्तिक २३ गते मंगलबार राति मिशन ईलाकातर्फ प्रस्थान गरेकाे नेपाली सेनाले जानकारी दिएकाे छ ।
कोभिड-१९ महामारीका बाबजुद पनि शान्ति स्थापना कार्यलाई निरन्तरता दिने नीति अनुरुप अदली बदलीको दौरानमा सम्पूर्ण सुरक्षा सतर्कता अपनाईएको कुरा पनि सेनाले बताएकाे छ ।
