मोरङ, २०७८ असोज २४ गते । मोरङको बिराटनगर महानगरपालिका १५ स्थित सायरा होटल संचालक जहदा गाउँपालिका ७ घर भएका २८ बर्षीय रमेश साह लागूऔषध कारोबारको अभियोगमा पक्राउ परेका छन् ।
असाेज २३ गते दिउँसो ११ बजे सो होटलमा लागूऔषध कारोबार भईरहेको भन्ने विशेष सूचनाको आधारमा ईलाका प्रहरी कार्यालय रानीबाट प्रहरी टोली खटिएकाे प्रहरी टाेलीले चेकजाँच गरेको थियो ।
प्रहरीले चेकजाँच गर्दा सो होटलबाट लागूऔषध DIALEX-DC १५ बोतल, नाईट्राभेट ४२ चक्की, SPASMO-PROXYVON २४ चक्की, SPAS-TRANCON PLUS ३४ चक्की र गाँजा २४० ग्राम बरामद गरिएको प्रहरीले जानकारी दिएकाे छ ।
लागूऔषध बरामद भए पश्चात उक्त होटलका संचालक साहलाई पक्राउ गरि थप अनुसन्धान गरिरहेको पनि बताइएकाे छ ।
