काठमाडौं, फागुन १४ \\ माओवादी अध्यक्ष प्रचण्डले आज सोमबार प्रधानमन्त्री ओलीलाई मन्त्रीको नामावली बुझाएका छन् । रामबहादुर थापा बादलको नेतृत्वमा माओवादी सरकारमा सहभागी हुने र बादलले गृह मन्त्रालय सम्हाल्नेगरी प्रचण्डले प्रधानमन्त्रीलाइ मन्त्रीहरुको नामावली बुझाएको स्रोतले बतायो।
माओवादीबाट मन्त्री बन्नेहरुमा गिरिराजमणि पोखरेल, मातृका यादव र विना मगरको नाम पक्का भएको स्रोतले बतायो। माओवादीबाट आज बादल र मातृका यादव दुइजना मात्र मन्त्रिमण्डलमा सामेल हुने पनि स्रोतले बतायो। मात्रिकालाई उद्योग वाणिज्य मन्त्रालय दिने तयारी गरिएको छ।
वर्षमान पुन अनन्त, शक्ति बस्नेत र जनार्दन शर्मा पनि मन्त्री बन्ने लाइनमा छन्।
माओवादीको भागमा परेकोमध्ये दुइटा मन्त्रालय साटफेर गर्न प्रचण्डले कसरत गरिरहेको एमाले स्रोतले बतायो।
आज ४ बजे नयाँ मन्त्रीहरुको सपथ हुनेछ।
