काठमाडौं । काठमाडौंको पुतलीसडकस्थित सेयरमार्केटमा आगलागी भएको छ ।
सोमबार बिहान लागेको आगो आधा घण्टापछि नियन्त्रणमा लिइएको थियो ।
माथिल्लो तल्लामा रहेको क्यान्टिनमा लागेको आगो समयमै बारुण यन्त्र र सुरक्षाकर्मीहरुको सहयोगमा नियन्त्रणमा आएको हो ।
तत्काल नियन्त्रणमा आएकाले ठूलो क्षति हुन पाएन । सिलिन्डर ग्यास पड्किए पनि त्यसले ठूलो रुप लिन पाएन ।
आगलागीको कारण थाहा हुन पाएको छैन । बाक्लो बस्ती भएको स्थान भए पनि ठूलो क्षति नभएको प्रहरीले जनाएको छ ।
