काठमाडौं । कोभिड–१९ संक्रमणबाट पछिल्लो २४ घण्टामा २५५ जनाको ज्यान गएको छ ।
देशका विभिन्न अस्पतालमा उपचाररत २५५ जनाको पछिल्लो २४ घण्टामा मृत्यु भएको स्वास्थ्य तथा जनसंख्या मन्त्रालयले जनाएको छ । कोरोनाबाट एकै दिन भएको यो अहिलेसम्मकै अधिक मृत्यु हो ।
स्वास्थ्य तथा जनसंख्या मन्त्रालयका अनुसार, कोरोनाबाट मृत्यु भएका सबैको शव नेपाली सेनाले व्यवस्थापन गरेको छ ।
योसँगै कोरोना संक्रमणबाट नेपालमा मृत्यु हुनेको संख्या ४०८४ पुगेको छ ।
पछिल्लो २४ घण्टामा २१ हजार ३१६ नमुना परीक्षणमा ९४८३ जनामा संक्रमण पुष्टि भएको छ । यससँगै सक्रिय संक्रमितको संख्या ९७ हजार ८ पुगेको छ ।
त्यस्तै पछिल्लो २४ घण्टामा ५२२५ जना संक्रमणमुक्त भएका छन् ।
प्रतिकृया दिनुहोस