काठमाडौं । अमेरिकाको बाल्टिमोरमा बन्दुकधारीले अन्धाधुन्ध गोली चलाउँदा एक नेपालीसहित ४ जनाको मृत्यु भएको छ ।
घटनामा २५ वर्षीय सागर घिमिरेको मृत्यु भएको छ । उनी संखुवासभा खादबारीका हुन् ।
स्थानीय समय अनुसार शनिबार बिहान साढे ६ बजे भएको घटनामा अन्य दुई स्पेनी नागरिकको पनि ज्यान गएको छ । अर्का एक मृतकको भने पहिचान खुलेको छैन ।
अमेरिकाका स्थानीय सञ्चारमाध्यमले जनाएअनुसार घिमिरे अध्ययनको सिलसिलामा अमेरिका पुगेका थिए । उनी स्नातक तहको अध्ययन सकाएर केही समयअघि मात्रै दीक्षित भएका थिए ।
घिमिरे निकै मेधावी विद्यार्थी रहेको बताइएको छ । उनले विभिन्न विधामा स्वर्ण पदक हासिल गरेका थिए ।
सोही घटनामा सर्लाही स्थायी ठेगाना भएका श्याम अधिकारी गोली लागेर घाइते भएका छन् । उनको युनिभर्सिटी अफ मेरिल्यान्ड बाल्टिमोरमा उपचार भइरहेको छ ।
गोली ५६ वर्षीय एभर्टनले चलाएका थिए ।
उनले सुरुमा घरमा आगो लगाएको र घरभित्र रहेका घिमिरेसहितका मानिस बाहिर निस्किएपछि गोली हानेर हत्या गरेका थिए ।
प्रहरीको जवाफी कारबाहीमा उनीसमेत मारिएका छन् । ( फाेटाे :इनेप्लिज)
प्रतिकृया दिनुहोस