मधेसमा क्रियाशील राजनीतिक दलहरूमाथि जनताका लागि भन्दा पनि भोटका लागि राजनीति गर्ने गरेको आरोप लाग्ने गरेको छ । अनेक आन्दोलनमा भएका वलिदानलाई मूर्त रुप दिन छाडेर नेताहरूले स्वार्थका लागि सौदाबाजी गर्ने गरेकाले पनि मधेस केन्द्रित नेताको विश्वास गुम्दै गइरहेको छ । मधेसवादी दलहरूको नियतमाथि चौतर्फी आशंका जन्मिरहेका बेला व्यु“ताइएको एक मधेस प्रदेशको मागको अर्थ के हुन्छ ? मधेस राजनीतिको रौंचिरा बुझेका जानकारहरूका अनुसार, यो मागको अन्तर्यमा भोट बैंकको रक्षा गर्ने मनसायबाहेक केही छैन । ‘माओवादी केन्द्रका नेता मात्रिका यादव र केही मधेसवादी दलले लगभग सेलाइसकेको एक मधेस, एक प्रदेशको मुद्दा उठाएका छन्,’ मधेस मामलालाई नजिकबाट नियाल्दै आइरहेको एक बुद्धिजीवी भन्छन्, ‘यो माग मधेसी जनताको हितका लागि उठाइएको भनिए पनि भोट बैंक सुरक्षित गर्ने आशयबाहेक यसमा केही पनि लुकेको छैन ।’
किन उठ्यो पुरानो माग ?
