गायिका अञ्जु पन्त दोस्रोपटक विवाह बन्धनमा बाँधिएकी छन् ।
पन्तले बुधबार पाटनको एक चर्चमा थीर कोइरालासँग विवाह गरेकी हुन् ।
विवाहपछि अन्जुले सामाजिक सञ्जाल फेसबुकमा आफ्नो विवाहको तस्बिर र भिडियो सार्वजनिक गरेकी छन् ।
अञ्जुजस्तै क्रिश्चियन धर्म मान्ने कोइराला गीतकार हुन् । एक अन्तरवार्ताका क्रममा चिनजान भएर नजिकिएका उनीहरू केही समयदेखि प्रेम सम्बन्धमा थिए । केही समयअघि मात्रै उनीहरूले प्रेम सम्बन्धबारे सार्वजनिक गरेका थिए ।
पन्तले यसअघि गायक तथा संंगीतकार मनोज राजसँग विवाह गरेकी थिइन् । तर उनीहरूको सम्बन्ध लामो समय अघि बढ्न सकेन । एक दशकअघि उनीहरूको बाटो छुट्टियो ।
मनोजराजले लगत्तै दोस्रो घरजम गरे पनि अञ्जु लामो समय एक्लै रहिन् । उनलाई आफ्नै छोरीले विवाहका लागि दबाब दिएको अञ्जुले आफ्नो अन्तरवार्ताका क्रममा बताउँदै आएकी छन् ।
प्रतिकृया दिनुहोस