काठमाडौं, माघ १५ \\ राष्ट्रिय सभाका लागि प्रदेश ३ बाट प्रत्यासीहरुमध्ये एमाले दुईजना र राष्ट्रिय प्रजातान्त्रिक पार्टीका उम्मेदवार एकजनाले आफ्नो उम्मेदवारी फिर्ता लिएका छन्।
रामबहादुर थापा ‘बादल’को विजय सुनिश्चित गरिदिनुपर्ने भएकोले एमालेका बेदुराम भुसाललाई अन्तिम समयमा पार्टी नेतृत्वले उम्मेदवारी फिर्ता लिन निर्देशन दिइएको बुझिएको छ।
बेदुराम भुसाल माधव नेपाल कोटाबाट प्रत्यासी बनेका थिए।
प्रदेश ३ अन्तर्गतका महानगरपालिका, नगरपालिका र गाउँपालिकाका मेयर,उप-मेयर तथा अध्यक्ष-उपाध्यक्षले बेदुरामलाई पहिलो प्राथमिकताको मत दिनसक्ने र त्यसोहुँदा बादल पराजित हुने स्पष्ट देखिएकाले बेदुरामको उम्मेदवारी झिक्नलगाउन प्रचण्डले केपी ओलीलाइ सहमत गराएको बुझिएको छ।
