शिवपुरी । नुवाकोटको शिवपुरी गाउँपालिका–६ को तामाङ एकता समाज परिवारले आगामी माघ ३० गते सोनाम ल्होछार २८५७ को अवसरमा बृहत सांस्कृतिक कार्यक्रम आयोजना गर्ने भएको छ । सोनाम ल्होछार २८५७ औं लाङ ल्हो गाई वर्गको अवसरमा उक्त बृहत सांस्कृतिक कार्यक्रम आयोजना गर्न लागिएको हो । तामाङ एकता समाज परिवार नुवाकोटले हरेक वर्ष सोनाम ल्होछारको अवसरमा विभिन्न सांस्कृतिक कार्यक्रमहरु आयोजना गर्दै आइरहेको छ ।
यस बृहत सांस्कृतिक कार्यक्रमको प्रमुख अतिथि धर्मगुरु आचार्य सर्वजित गोङ्बा आमन्त्रित गरिएको छ । त्यसैगरी यस बृहत सांस्कृतिक कार्यक्रममा उद्धव कार्की, रेशम निर्दाेष, बलबहदुर वाईवा, बिरबहादुर थोकर, रामहरी भण्डारी, प्रनिल तामङ, मिना लामा, मिना बुढाथोकी, रेखा लामा, सुमित्रा तामाङ, सीमा भण्डारी, लक्ष्मी डिमडुङलगायतका गायक÷गायिका तथा कलाकारहरुको सहभागिता रहनेछ ।
नुवाकोटको शिवपुरी गाउँपालिका–६ को तामाङ एकता समाज परिवारले सबैलाई यस बृहत सांस्कृतिक कार्यक्रममा सहभागिता जनाइदिन विशेष अनुरोध समेत गरेको छ ।
