म्याड्रिड, १३ असोज (रासस/एएफपी) : नर्वेका ८३ वर्षीय राजा हेराल्ड पाँचौँ एक हप्ता विरामी विदामा बस्नुहुनेभएको यहाँको दरबारले जानकारी गराएको छ ।
गत हप्ता श्वासप्रश्वासको समस्या देखिएपछि अस्पताल भर्ना भई उपचारपछि असाेज १२ गते सोमबार घर फर्किएका उहाँलाई एक साता आराम गर्न चिकित्सकले सल्लाह दिएको बताइएको छ ।
अस्पतालद्वारा जारी एक विज्ञप्तिमा भनिएको छ, “उहाँको स्वास्थ्य अवस्थाको अस्पतालले समीक्षा गरिरहेको छ । हेराल्ड आगामी अक्टोबर ४ गतेसम्म विदामा बस्नुहुनेछ ।”
उनान्तीस बर्षदेखि नर्वेको राजागद्दीमा रहेका राजा हेराल्डलाई शुक्रवार बिहान ओस्लो विश्वविद्यालय अस्पतालमा भर्ना गरिएको थियो ।
उहाँलाई श्वासप्रश्वासको समस्या रहेको बताइएको तर उहाँलाई कोभिड–१९ सङ्क्रमण भने नभएको दरबारले उल्लेख गरेको छ ।
उहाँको अनुपस्थितिमा राजकुमार हाकनले अस्थायी रूपमा जिम्मेवारी सम्हाल्ने व्यवस्था गरिएको छ ।
सन् १९६४ को टोकियो ओलम्पिकमा भाग लिनुभएका उहाँ युवाअवस्थामा जलक्रिडामा रमाउने गर्नुहुन्थ्यो । राजा हेराल्डलाई नर्वेजियालीहरूले एकताका प्रतीकका रूपमा हेर्छन् ।
उहाँले स्वास्थ्यमा देखिएको समस्याका कारण तत्काल गद्दी त्याग्ने विचार लिइनसकेको बताइएको छ । उहाँलाई जनवरीमा पनि चक्कर लागे पछि अस्पतालमा एक हप्ता राखिएको थियो ।
करिब २० वर्ष पहिले उहाँको मुत्राशयमा क्यान्सर देखिएपछि शल्यक्रिया गरिएको थियो । त्यसपछि सोही दशकमा मुटुको ‘भल्भ’ को पनि उपचार भएको थियो ।
प्रतिकृया दिनुहोस