काठमाडौं । सत्तारूढ दल नेपाल कम्युनिस्ट पार्टी (नेकपा) ले पार्टी विवाद समाधान गर्न महासचिव विष्णु पौडेलको संयोजकत्वमा कार्यदल गठन गरेको छ ।
शुक्रबार पार्टी अध्यक्षद्वय केपी शर्मा ओली र प्रचण्डबीच भएको छलफलमा पार्टीमा जारी विवाद कार्यदलमार्फत समाधान गर्ने सहमति बनेको थियो । त्यही सहमतिअनुसार ६ सदस्यीय कार्यदल गठन गरिएको हो ।
कार्यदलमा भीम रावल, सुरेन्द्र पाण्डे, जनार्दन शर्मा, शंकर पोखरेल र पम्फा भुसाल सदस्य छन् । कार्यदलमा केपी, प्रचण्ड र माधव नेपाल तीनवटै समूहबाट २÷२ जनाको प्रतिनिधित्व रहेको छ ।
गठित कार्यदलले अब नेकपा विवाद समाधानका लागि सुझाव पेस गर्नेछ ।
सत्तारूढ दल नेकपाको विवाद लामो समयदेखि चर्कंदै आएको छ । योबीचमा विभाजनसम्मका खतरा रहेको भन्दै नेताहरूले चिन्ता व्यक्त गरेका थिए । कार्यदल गठनसँगै नेकपा विवाद तत्कालका लागि साम्य भएको छ ।
प्रतिकृया दिनुहोस