काठमाडौं । प्रमुख सत्तारूढ दल नेपाल कम्युनिस्ट पार्टी (नेकपा) को स्थायी समिति बैठक स्थगित भएको छ ।
बिहीबार केहीबेर बसेर बैठक स्थगित भएको नेकपाका एक नेताले जानकारी दिए ।
स्रोतका अनुसार, बैठक स्थगित गरेर दुई अध्यक्षबीच छलफल गर्ने तयारी गरिएको छ ।
जारी विवाद समाधानमा दुई अध्यक्षबीचको संवाद फलदायी हुने अपेक्षाका साथ त्यसलाई अघि बढाइएको बताइएको छ ।
नेकपाको जारी स्थायी समिति बैठकमा प्रधानमन्त्री केपी शर्मा ओलीको चर्को आलोचना भएको छ । बैठकमा बोल्ने अधिकांशले प्रधानमन्त्रीको राजीनामा मागेका छन् ।
प्रचण्ड र माधव नेपाल समूह कडा रूपमा प्रस्तुत भएपछि नेकपा विवाद पेचिलो बनेको छ । मन्त्रिपरिषदले आजै संसदको बजेट अधिवेशन अन्त्य गर्ने निर्णय गरेको छ । यहीबीच दुई अध्यक्षबीच जारी बैठक स्थगित गरेर संवाद हुन लागेको हो ।
प्रतिकृया दिनुहोस