काठमाडौं । मित्रराष्ट्र चीनको उहानमा संचालन भईरहेको सातौं विश्व सैनिक गृष्मकालीन खेलकुद प्रतियोगितामा नेपाली सेनाकी तुलसा खत्रीले २०७६ कार्तिक ५ गते Track and Field अन्तर्गत संचालन भएको महिलातर्फको ४०० मिटर दौडमा राष्ट्रिय कीर्तिमान राख्न सफल भएकी छिन् । उनले उक्त दुरी ५९.५७ सकेण्डमा पूरा गरेर यस अघिको ५९.९० सकेण्डको राष्ट्रिय रेकर्ड तोड्न सफल भएकी छन् । तुलसा खत्रीले ९ वर्ष अगाडि सन् २०१० प्रमिला रिजालले राखेको रेकर्ड तोड्न सफल भएकी हुन् । उक्त दौडमा २१ देशका प्रतिस्पर्धीले भाग लिएका थिए ।
त्यसैगरी कात्तिक ५ गते नै संचालन भएको महिलातर्फको १०० मिटर दौडमा नेपाली सेनाकी सरस्वती चौधरीले १२.६६६ सकेण्डमा उक्त दुरी पूरा गरी आफ्नो व्यक्तिगत रेकर्डमा सुधार्न सफल भएकी छिन । यस दौडमा २६ देशका खेलाडीहरुले भाग लिएका थिए ।
उक्त प्रतियोगितामा कात्तिक ५ गते नै दौड सहित विच भलिबल, आर्चरी र महिला वक्सिङ्ग गरी ४ खेल सम्पन्न भएका छन् ।
प्रतिकृया दिनुहोस