काठमाडौँ, ३० चैत : त्रिभुवन अन्तर्राष्ट्रिय विमानस्थलबाट सट गनमा प्रयोग हुने एक राउण्ड बुलेटसहित आज फ्रान्सेली नागरिक पक्राउ परेका छन् ।
विमानस्थलबाट कतार हुँदै फ्रान्स जान लागेका फ्रान्सेली नागरिक ५४ वर्षीय रोगेर इल खौर्यलाई एक राउण्ड लाइभ बुलेटसहित प्रहरीले पक्राउ गरेको हो । विमानस्थलको प्रस्थान कक्षको एक्स–रे मेसिनमा जाँच गर्ने क्रममा उनको झोलाबाट उक्त बुलेट फेला परेको हो । यस सम्बन्धमा थप अनुसन्धान भइरहेको प्रहरी प्रधान कार्यालयले जनाएको छ । (रासस)
–––
