काठमाडौं, २५ माघ : राष्ट्रपति विद्यादेवी भण्डारीले सङ्घीय संसद्को दुवै सदनको बैठकबाट पारित दुईवटा विधेयक प्रमाणीकरण गरेकी छिन् ।
उनले 'बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन, २०७१ र उक्त ऐनलाई संशोधन गर्न बनेको विधेयक, २०७५’ प्रमाणीकरण गरेकी हुन् । उक्त ऐन सङ्घीय संसद्को दुवै सदनको बैठकबाट पारित भएको थियो ।
प्रमाणीकरणका लागि गएका ती विधेयक नेपालको संविधानको धारा ११३ को उपधारा (२) बमोजिम राष्ट्रपतिले प्रमाणीकरण गरेको राष्ट्रपति कार्यालयले जनाएको छ ।
