काठमाडौं, २५ माघ : १२ क्लब सहभागी शहीद स्मारक ‘बी’ डिभिजन लिग फुटबल प्रतियोगिता आजदेखि शुरु भएको छ ।
प्रतियोगितामा 'झम्सिखेल युवा क्लब', 'आरसिटी', 'श्रीकुमारी क्लब', 'सातदोबाटो युथ क्लब', 'नयाँबस्ती युवा क्लब', ' ब्वाइज युनियन', 'टुसाल', 'पुल्चोक', 'मध्यपुर युथ एशोसिएशन', 'खुमलटार युवा क्लब' र 'श्री भगवती क्लब' ले प्रतिस्पर्धा गर्नेछन् । आजको उद्घाटन खेलमा झम्सिखेल युथ क्लब र ब्वाइज युनियन क्लब भिड्नेछन् ।
प्रतियोगिताको विजेताले रु ८ लाख पाउनेछ भने उपविजेताले रु ५ लाख प्राप्त गर्नेछ । त्यस्तै तेस्रो हुनेले रु ३ लाख र चौथो हुने टोलीले रु २ लाख पाउनेछ । उक्त प्रतियोगिता लिग रेलिगेशनबिनाको हुने लिग निर्देशक सञ्जीव मिश्रले जानकारी दिए ।
