पेरिस, २३ माघ : फ्रान्सको राजधानी पेरिसमा मंगलबार राति एक आवासीय भवनमा आगलागी हुँदा कम्तिमा १० जनाको मृत्यु भएको छ भने ४६ व्यक्ति घाइते भएका छन् । आगोलागीको कारण भने पत्ता लागिसकेको छैन ।
फ्रान्सको समाचार संस्था एपीएफले आगोलागीको घटनाबारे जानकारी दिएको हो । आगोलागीको सूचना पाउने बित्तिकै घटनास्थलमा पुगेका राहतकर्मीहरुले एर्लांगर स्ट्रिटको सबै भवनहरु खाली गराएका थिए । उक्त भीषण आगलागीलाई नियन्त्रणमा लिन धेरै समय लागेको थियो ।
आगो निभाउनका लागि २ सय दमकलहरु घटनास्थलमा पुगेका थिए । यद्दपि आगोलागीबाट के कतिको क्षति भएको छ भन्ने बारे पत्ता लाग्न सकेको छैन । (एजेन्सी)
