काठमाडौं, १ माघ : नेपाल प्रहरीको केन्द्रीय अनुसन्धान ब्यूरोले मानव बेचबिखनमा तथा ओसारपसारमा संलग्न सन्तोष राईलाई पक्राउ गरेको छ ।
राईमाथि राम्रो काम लगाइदिने प्रलोभन देखाई नेपाली बालिकालाई भारतमा बेच्ने गरेको अभियोग छ । त्यस्तै राईले नेपाली चेलीहरुलाई नयाँदिल्लीमा रहेको जीबी रोड पुर्याई जबर्जस्ती वेश्यावृत्तिमा संलग्न गराउने गरेको पनि खुलेको छ ।
ब्यूरोले राईलाई सुनसरीबाट पक्राउ गरी आवश्यक कारवाहीको प्रक्रिया अघि बढाएको छ । अभियुक्त राईले प्रत्येक नेपालीलाई रु ६ लाखसम्ममा बेच्ने गरेको प्रारम्भिक अनुसन्धानमा खुलेको छ । (रासस)
