बर्लिन, २९ पुष : अष्ट्रियाको आल्प्स पर्वतमा हिउँमा स्केटिङ गर्ने क्रममा ३ जर्मन नागरिकको मृत्यु भएको छ । त्यस्तै एकजना अझै बेपत्ता रहेको अधिकारीहरुले जानकारी दिएका छन् ।
शनिबार हिउँमा स्केटिङ खेल्न गएका ती मृतकहरु ३२, ३६ र ५७ वर्षका पुरुषहरु रहेको जनाइएको छ । बेपत्ता भएका २८ वर्षका एक जर्मन नागरिकको खोजी कार्य भइरहेको प्रहरीले जनाएको छ ।
अत्याधिक हिउँ र हिमपहिरोको खतराका कारण खोजी कार्यमा असहज भएको प्रहरीले बतायो । (रासस/एजेन्सी)
