२०७६-१-५ , बिहीबार


चीफ सा’ब हाम्रा गुनासाहरूको सुनवाई होस् 

साँघु साप्ताहिक र साँघुन्यूज डटकममा नेपाली सेना भित्रका अनियमितता, खराब आचरण, शोषण, दमनका समाचार, सैनिकहरूका पीरमर्का प्रकाशित भएपछि विभिन्न किसिमका सयौं प्रतिक्रियाहरू आउने गरेका छन् । जस्तो आर्मी हस्पिटलमा नेपाली सेनाका अन्य दर्जा र तिनका परिवारलाई खासै राम्रो उपचार हुन्न, टाढादेखि आयो बल्लतल्ल डाक्टरले चेक अप गर्ने ठाउँमा पुगिन्छ ।

 

त्यहाँका चिकित्सकलाई आफ्नो रोग र शारीरिक समस्याहरू भनी नसक्दै डेटएक्स्पाएर हुन लागेको, सस्तो खालको १५÷२० रुपैयाँ पर्ने ग्यास्टिकको ट्याब्लेट लेखेर डाक्टर भन्ने ठालूहरूले ‘‘बढी नबोल्ने’’ भन्दै झपार्दै, त्यहाँबाट जानको लागि आदेश दिइसकेको हुन्छ । सैनिक अस्पताल जाँदा खर्च रु. २०००÷२५०० हुन्छ । त्यही पैसा बाहिर राम्रो हस्पिटल खर्च गर्ने हो भने उचित उपचार र रोगको पहिचान हुन्छ । 

 


हाम्रै रगत पसिनाले चलेको सैनिक अस्पतालमा सैनिक अधिकृत र अन्य दर्जालाई गर्ने ब्यवहारमा आकास जमिनको फरक छ । रोगी र रोग पनि सानो÷ठूलो दर्जा हुन्छ र चीफ सा’ब ? वीरेन्द्र सैनिक अस्पतालका चिकित्सकको बानीब्यहोरा र शैलीमा भइरहेको भेदभावलाई अन्त्य गर्न नसकेपनि यसमा न्यूनीकरण गर्ने अभियान पूर्णचन्द्र थापा चीफ सा’बको कार्यकालमा सुरु होस् भन्ने अनुरोध गर्दछौं ।  

– अस्पताल पीडित अन्य दर्जाहरू, नेपाली सेना 

 

 नेपाली सेनाको यूएन मिशनमा पनि प्रधानसेनापति पूर्णचन्द्र थापाको विशेष ध्यान जावोस् भन्ने अनुरोध गर्दछौं । यूएन मिशनमा प्रयोग हुने र गरेका सबै खाले हतियारहरूको छुट्टाछुट्टै, गाडीहरूको पनि छुट्टाछुट्टै बजेट डलरमा आउँछ भने यता सरकारले पनि नेपाली सेनाको शान्ति मिशनका लागि भनेर छुट्टै बजेट दिएको हामी सुन्छौं । हामीले सुने अनुसार, हरेक मिशनको बन्दोबस्ती सामानलाई पुग्ने गरी बजेट दिएको हुन्छ । 

 


यो बजेटमा ब्यापक हिनामिना हुने, गणपतिहरू र सबै अधिकृत मिलेर भागबन्ड गरेर खाएका हुन्छन् । अर्को नेपालबाट मिशन जानु अगाडि १ महिनासम्मको राशन स्केल एउटा युनिटलाई दिएको हुन्छ । जवानहरूलाई चाहिं छुट्टीमा घर÷घरमा पठाइएको हुन्छ । फेरि मिशनबाट फर्किदा पनि राशन स्केल त्यसैगरी एउटा युनिटमा राखेर घर विदा छोडिन्छ भने त्यो राशनको पैसा ती सोझो जवानहरूले पाउँदैनन् । सम्बन्धित युनिटका हाकिमहरूले मिलेर भातभान्सा रमाइलो गर्ने गर्छन् । सिपाही वा अन्य दर्जाको राशनबाट खल्ती भर्ने काम हुन्छ । चीफ सा’ब यसतर्फ पनि ध्यादृष्टि जावोस्, पीडितले न्याय पाउन् र अनियमित काम गर्नेहरूप्रति छानबिन गर्न जरुरी छ ।

 


नेपाली सेनाबाट शान्ति मिशनमा जानेहरूका लागि एकदिनको पनि तलब, भत्ता दिन्छ । तर, यो रकम तेलामेला गरेर हाम्रा अधिकृतहरूले आफ्नो गोजीमा हाल्छन् । उदाहरणका लागि जस्तै नेपाली सेनाले अहिले एक वर्षको रु. १२÷१३ लाख हात पार्छन् भने नेपालकै अर्को फोर्स सशस्त्र प्रहरी बलबाट यूएन मिशनमा जानेहरूले एक वर्षको रु. १९ लाख देखि २१ लाखसम्म हात पार्छन् ।

 

एकै देशको फोर्समा काम गर्नेहरूमा यत्रो रकम कसरी फरक भयो । हाम्रो नेपाली सेनाको कल्याणकारी कोषमा पचासौं अर्ब रकम हाम्रै रगत पसिनाको जम्मा भएर बसेको छ । सो रकमको सही सदुपयोग हुन सकेको छैन । हामी नेपाली सेनाका अन्य दर्जालगायतको मिशनमा हुने शोषणका बारेमा प्रधानसेनापतिज्यूबाट विशेष कदम चालेर नयाँ नियम बसालियोस् भन्ने अनुरोध गर्दछौं ।

 

सेनाको अन्य क्षेत्रमा देखिन थालेको सुधार यूएन मिशनको पुरानो नियममा संशोधन होस् र पीडितहरूप्रति न्याय होस् भन्ने आग्रह गर्दछौं । 
                                                                                                                                             –मिशन पीडितहरू, नेपाली सेना 
 


प्रतिक्रिया दिनुहोस

CONTACT US

साँघु न्यूज नेटवर्क

फोन ४२३०७४८

[email protected]

sanghunews.com, यतिप्लाजा, बागबजार

KEEP IN TOUCH

ABOUT US

सम्पादक : रामकला बुढाथोकी / सूचना विभाग दर्ता प्रमाणपत्र नं. ६७६/०७४–७५/   राजनीतिक चस्का र झस्काका लागि  ३९ वर्ष अघि पंचायती क्रुर कालखण्डमा जन्मिएर जेल, नेल, दर्ता खारेजको समेत साँघु साप्ताहिकले सामना गर्दै प्रजातन्त्र, विधिको शासन, भ्रष्टतन्त्रको जरोकिलो उखेल्ने अभियानमा सक्रिय हुँदै नेपाली पत्रकारिता जगतमा आफ्नैपन अंगालेर पाठकहरुको... पूरा पढ्नुहोस

© २०१७ साँघुद्वारा प्रकाशित/सर्वाधिकार सुरक्षित     |     WEBSITE by : i-Tech Nepal